Հայաստանի արտահանումը 8 ամսում նվազել է մոտ 5 տոկոսով․ Պապոյանը դա վատ արդյունք չի համարում

Հայաստանից արտահանումը տարվա առաջին 8 ամիսներին կազմել է մոտ 940 մլն դոլար՝ նախորդ տարվա նույն ժամանակահատվածի շուրջ 990 մլն դոլարի փոխարեն։ Այսինքն՝ արտահանման ծավալը նվազել է մոտ 5 տոկոսով։

ՀՀ էկոնոմիկայի նախարար Գևորգ Պապոյանի խոսքով՝ նման նվազումը, հաշվի առնելով արտահանման շուկաների դիվերսիֆիկացման գործընթացը, վատ արդյունք չէ։

Նրա խոսքով՝ նշված ժամանակահատվածում Հայաստանի արտահանումը Արաբական Միացյալ Էմիրություններ աճել է 45 տոկոսով, Հնդկաստան՝ 2.1 անգամ, իսկ Եվրամիության երկրներ՝ մոտ 70 տոկոսով։