Մելանյա Թրամփի կերպարը Սի Ծինփինի հետ հանդիպման ժամանակ համեմատել են մատուցողուհու համազգեստի հետ

ԱՄՆ նախագահ Դոնալդ Թրամփի կինը՝ Մելանյա Թրամփը, Սպիտակ տանը Չինաստանի նախագահ Սի Ծինփինի պատվին կազմակերպված պաշտոնական ընթրիքի ժամանակ իր հագուստով բուռն քննարկումների առիթ է դարձել։ Սոցիալական ցանցերի որոշ օգտատերեր ԱՄՆ առաջին տիկնոջ կերպարը համեմատել են մատուցողուհու հագուստի հետ, գրում է Daily Mail-ը։

56-ամյա Մելանյա Թրամփը միջոցառման համար ընտրել է սև-սպիտակ համադրություն՝ 2,3 հազար դոլար արժողությամբ Saint Laurent-ի մեծ ծավալուն ժապավենով բլուզ, Dolce & Gabbana-ի բարձր գոտկատեղով տաբատ և մետաքսե գոտի։ Կերպարը նա ամբողջացրել է Christian Louboutin-ի բարձրակրունկ կոշիկներով և ադամանդե ականջօղերով։

Լուսանկարների հրապարակումից հետո օգտատերերի կարծիքները բաժանվել են։ Ոմանք քննադատել են առաջին տիկնոջ ընտրությունը՝ այն անհաջող համարելով և համեմատելով սպասարկող անձնակազմի համազգեստի հետ։ Մյուսները, հակառակը, բարձր են գնահատել Մելանյա Թրամփի տեսքը՝ նշելով, որ նրա կերպարը ոճային և էլեգանտ է։