Մասնագետները նշել են՝ ովքեր չպետք է հալվա օգտագործեն

Հալվա խորհուրդ չի տրվում օգտագործել շաքարային դիաբետ, գիրություն, գաստրիտ, ենթաստամոքսային գեղձի կամ լյարդի հիվանդություններ ունեցող մարդկանց, ինչպես նաև նրանց, ովքեր ալերգիա ունեն դրա բաղադրիչների նկատմամբ։ Այս մասին հայտնում է Ռոսкачество-ն։

Մասնագետների խոսքով՝ չնայած բնական բաղադրությանը՝ հալվան բարձր կալորիականություն ունի և պարունակում է մեծ քանակությամբ շաքար ու ճարպեր։ Չափից շատ օգտագործելու դեպքում այն կարող է հանգեցնել արյան մեջ շաքարի մակարդակի կտրուկ տատանումների, նյութափոխանակության խանգարումների, ստամոքսում ծանրության զգացման, փքվածության և այրոցի, ինչպես նաև նպաստել խոլեստերինի մակարդակի բարձրացմանը։

Փորձագետները խորհուրդ են տալիս հալվա ուտել շաբաթական առավելագույնը երկու-երեք անգամ՝ օրական 20-30 գրամ չափաբաժնով։ Նրանք ընդգծել են, որ հատկապես առողջական որոշ խնդիրների առկայության դեպքում այս քաղցրավենիքի օգտագործումը պետք է սահմանափակել։