Մակրոնը կոչ է արել ստեղծել միջազգային կազմակերպություն՝ արհեստական բանականությունը կարգավորելու համար
Աշխարհ
Ֆրանսիայի նախագահ Էմանուել Մակրոնը կարծում է, որ անհրաժեշտ է ստեղծել միջազգային կազմակերպություն՝ արհեստական բանականությունը (ԱԲ) կարգավորելու համար, որպեսզի կանխվի դրա վերահսկումը անհատների և ընկերությունների փոքր խմբի կողմից։
«Մեզ անհրաժեշտ է միջազգային կազմակերպության ձայնը, որը կմիավորի տեխնոլոգիական առաջընթացը, արդարությունը և մարդասիրությունը», - ասել է Ֆրանսիայի առաջնորդը Ելիսեյան պալատում Հռոմի պապ Լևոն XIV-ի հետ հանդիպման ժամանակ։
Ըստ Մակրոնի՝ «մենք չենք կարող թույլ տալ, որ ամենաառաջադեմ ԱԲ մոդելները հայտնվեն փոքր խմբի ձեռքում, որը կորոշի ողջ մարդկության համար»։
Հռոմի պապի այցը Ֆրանսիա տևելու է սեպտեմբերի 25-ից 28-ը։ Փարիզում Լևոն XIV-ը պատարագ կմատուցի Նոտր Դամի տաճարում, պատարագ կմատուցի Կոնկորդի հրապարակում, որտեղ սպասվում է հարյուր հազարավոր հավատացյալների մասնակցություն, և կայցելի ՅՈՒՆԵՍԿՕ-ի գլխավոր գրասենյակ։
Ինչպես հաղորդում է AFP-ն, Մակրոնը Լևոն XIV-ին իր այցի ընթացքում նվիրելու է նվերների շարքում Նոտր Դամի տաճարի նոր վիտրաժներից մեկի վերարտադրությունը, որը վերականգնվել է 2019 թվականի հրդեհից հետո, Մարկոսի Ավետարանը, որը փորագրված է սինթետիկ ԴՆԹ-ի մի հատվածի վրա և տեղադրված է ապակե պարկուճի մեջ՝ դրա վերծանման հրահանգներով, ֆերիտային մագնիսից պատրաստված սև խաչ և գիրք Վինսենթ դը Պոլի՝ ֆրանսիացի կաթոլիկ սուրբի մասին, որը հիմնադրել է Լազարիստական միաբանությունը և Բարեգործության դուստրերը։
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
