Արաղչի․ ԱՄՆ-ին Իրանի դեմ հարձակվելուն աջակցած երկրները պատասխանատվություն են կրում

Իրանի վրա ԱՄՆ-ին և Իսրայելին հարձակման հարցում օգնելու համար Մերձավոր Արևելքի երկրները անմիջական պատասխանատվություն են կրում, հայտարարել է Իսլամական Հանրապետության արտաքին գործերի նախարարության ղեկավար Աբբաս Արաղչին։

«Պատասխանատվությունն անմիջականորեն կրում են նաև այն տարածաշրջանային պետությունները, որոնք, բարիդրացիության սկզբունքների և ՄԱԿ-ի կանոնադրությամբ ստանձնած իրենց միջազգային պարտավորությունների կոպիտ խախտմամբ, թույլատրել և նպաստել են ագրեսիային՝ ագրեսորներին բացելով իրենց տարածքը, ռազմական բազաները, օդային տարածքը, ինչպես նաև լոգիստիկ և հետախուզական ենթակառուցվածքները», -ասել է նա։

ԱՄՆ-ն և Իսրայելը պատերազմ սկսեցին Իրանի դեմ փետրվարի 28-ին։ Հունիսին Վաշինգտոնը և Թեհրանը ստորագրեցին փոխըմբռնման հուշագիր, որով կոչ էին անում անհապաղ դադարեցնել ռազմական գործողությունները բոլոր ճակատներում, այդ թվում՝ Լիբանանում։

Սակայն, հուլիսի 8-ի գիշերը, ԱՄՆ-ը վերսկսեց լայնածավալ հարվածները Իրանի դեմ՝ մեղադրելով նրան Հորմուզի նեղուցի վերաբերյալ ձեռք բերված համաձայնագրերի պայմանները խախտելու մեջ։

Հակամարտությունից առաջ նավթի համաշխարհային առևտրի մոտ 25%-ը և հեղուկացված բնական գազի մոտ 20%-ը տեղափոխվում էր նեղուցով։