Սոչիի և Գելենջիկի օդանավակայաններում ժամանակավորապես դադարեցվել են թռիչքները

Ռուսաստանի հարավում գտնվող Սոչիի և Գելենջիկի օդանավակայանները ժամանակավորապես դադարեցրել են օդանավերի ընդունումն ու մեկնումը։ Այս մասին հայտնել է Ռոսավիացիան։

Գերատեսչության տվյալներով՝ սահմանափակումները կիրառվել են թռիչքների անվտանգությունն ապահովելու նպատակով։ Թե որքան ժամանակ դրանք կգործեն, չի նշվում։

Ավելի վաղ հաղորդվել էր, որ Կրասնոդարի երկրամասում անօդաչու թռչող սարքերի հարձակման հետևանքով երեք մարդ զոհվել է, ևս երկուսը՝ վիրավորվել։