40 տարի բանտում անցկացնելուց հետո արդարացվել է

Միացյալ Նահանգներում դատարանը արդարացրել է տղամարդուն, ով կնոջը սպանելու համար 40 տարի անցկացրել է բանտում։ Դա տեղի է ունեցել Ալաբամա քաղաքում։ Այս մասին հայտնում է New York Post պարբերականը։ Համաձայն գործի նյութերի, 1985 թվականի մայիսի 31-ին Անդալուժա քաղաքում հայտնաբերվել էր քսանչորսամյա Ջուլի Մաքրորիի դիակը՝ իր տանը։ Կնոջ դիակի վրա եղել էին բռնության բազմաթիվ հետքեր, ներառյալ՝ դանակով հարվածի բազմաթիվ հետքեր։ Կյանքը փրկել չէր հաջողվել։ Գլխավոր կասկածյալ է դառնում ամուսինը՝ քսանվեցամյա Չարլզ Մաքրորին։

Ամուսինները ապահարզանի գործընթացի մեջ էին գտնվում, սակայն շարունակում էին շփվել, միասին գնում էին հոգեբանի մոտ, միասին դաստիարակում էին իրենց երկամյա որդուն։ Դատախազությունը հայտարարել էր, որ զայրույթի պահին Չարլզն է ծեծի ենթարկել կնոջը՝ պատճառելով վնասվածքներ, որոնք համատեղելի չեն կյանքի հետ։ 1986 թվականին Չարլզին մեղավոր ճանաչեցին, թեեւ մեղադրանքի համար միայն մեկ հանցանշան կար՝ ատամնահետքեր։ Եւ ահա՝ քառասուն տարի անց՝ գործի վերաբացում է կատարվել եւ դատարանը հայտարարել է, որ Չարլզի մեղավորությունը չի կարելի ապացուցված համարել, քանի որ չկան ԴՆԹ հետքեր եւ այլ հանցանշաններ։ Իսկ ատամնահետքերը արդեն վաղուց համարվում են ոչ հավաստի հանցանշան քրեագիտության մեջ։ Դրա հիման վրա էլ՝ նրան դատարանը ազատ է արձակել։ Այժմ դատախազությունը կամ վեց ամսվա ընթացքում պետք է մեղադրանքը հաստատող հուսալի եւ գիտականորեն հիմնավորված հանցանշաններ ապացուցի, կամ վերացնի Չարլք Մաքրորիին ներկայացված մեղադրանքը։