«Ծիծեռնակաբերդ» ենթակայանում բռնկված և մարված հրդեհից հետո հոսանքազրկված հասցեների մեծ մասում էլեկտրամատակարարումը վերականգնվել է

ՀԷՑ-ից հայտնում են, որ «Ծիծեռնակաբերդ» 110/6 կՎ ենթակայանում բռնկված հրդեհը ժամը 21:10-ի դրությամբ ամբողջությամբ մարվել է։

Ժամը 22:30-ի դրությամբ հրդեհի հետևանքով հոսանքազրկված բոլոր հասցեներում էլեկտրամատակարարումը վերականգնվել է, բացառությամբ մի քանի բազմաբնակարան շենքերի, որտեղ հոսանքազրկված է մի քանի հարյուր բաժանորդ։

Ընկերության փոխանցմամբ՝ այդ շենքերում էլեկտրամատակարարումը նախատեսվում է վերականգնել առաջիկա 2-3 ժամվա ընթացքում։