Պուտինը մեծացնում է ռուսական բանակը․ նոր հրամանագիր

ՌԴ նախագահ Վլադիմիր Պուտինը հրամանագիր է ստորագրել Ռուսաստանի զինված ուժերի հաստիքային թվաքանակն ավելացնելու մասին։

Փաստաթղթի համաձայն՝ ՌԴ ԶՈւ ընդհանուր հաստիքային թվաքանակը սահմանվել է 2 մլն 441 հազար 630, որից 1 մլն 550 հազար 500-ը՝ զինծառայողներ։

Նախկինում Ռուսաստանի զինված ուժերի ընդհանուր թվաքանակը կազմում էր 2 մլն 426 հազար 130, այդ թվում՝ 1 մլն 535 հազար զինծառայող։ Այսպիսով՝ զինծառայողների թիվն ավելացվել է 15 հազար 500-ով։

Նույն հրամանագրով Պուտինը Ռուսաստանի կառավարությանը հանձնարարել է դաշնային բյուջեից Պաշտպանության նախարարությանը հատկացնել զինծառայողների թվաքանակի ավելացման համար անհրաժեշտ միջոցները։

Հրամանագիրն ուժի մեջ է մտնում ստորագրման օրվանից։

Ավելի վաղ՝ հուլիսին, Պուտինը հրամանագիր էր ստորագրել ՌԴ ԶՈւ զինծառայողների թվաքանակը 25 հազարով ավելացնելու մասին։ Հունիսին ևս զինված ուժերի հաստիքային թվաքանակն ավելացվել էր շուրջ 7,3 հազարով։