Կալլասը Դամասկոսում քննարկում է ԵՄ-Սիրիա գործընկերությունը

Սիրիայի արտաքին գործերի նախարար Ասադ ալ-Շեյբանին Դամասկոսում հանդիպել է ԵՄ արտաքին գործերի և անվտանգության քաղաքականության գերագույն ներկայացուցիչ Կայա Կալլասի հետ։

«Բանակցությունները տեղի են ունենում Թիշրին պալատում և նվիրված են Եվրամիության և Սիրիայի միջև երկարաժամկետ գործընկերության հաստատմանը», - «Սիրիա» հեռուստաընկերությանը հայտնել է կառավարության աղբյուրը։

ԵՄ-ն մտադիր է օգնել Սիրիայի իշխանություններին տնտեսական իրավիճակը կայունացնելու և պետական ​​ինստիտուտների գործունեությունը վերականգնելու հարցում։

Աղբյուրի փոխանցմամբ՝ Կալլասին ավելի ուշ կընդունի Արաբական Հանրապետության անցումային նախագահ Ահմեդ ալ-Շարաան։

Ավելի վաղ՝ Դամասկոս կատարած պաշտոնական այցի ընթացքում, ԵՄ բարձրաստիճան դիվանագետը հանդիպել է սոցիալական և աշխատանքի հարցերով նախարար Հինդ Կաբվատի հետ, որը ներկայացնում է Սիրիայի քրիստոնյա փոքրամասնությունը և միակ կինն է կաբինետում։