Ահազանգ՝ Flydubai-ի ինքնաթիռից․ փոխանցվել է առևանգման ազդանշան. կապն անձնակազմի հետ կորել է. կոնֆլիկտ ուղևորների միջև

Դուբայից Թել Ավիվ թռչող Flydubai ավիաընկերության Boeing 737 ինքնաթիռը, ըստ հրապարակումների, փոխանցել է 7700 արտակարգ իրավիճակի, ապա՝ 7500 կոդը, որը կիրառվում է հնարավոր առևանգման դեպքում։

Հաղորդվում է, որ ինքնաթիռում եղել է 180 ուղևոր, որոնցից մոտ 100-ը՝ Իսրայելի քաղաքացիներ։ Իսրայելական Channel 12-ի տվյալներով՝ որոշ ժամանակ կորել է կապը օդանավի անձնակազմի հետ։

Ավելի ուշ հաղորդվել է, որ ինքնաթիռը կրկին հայտնվել է ռադարների վրա։ Ըստ վերջին հրապարակումների՝ օդանավում կոնֆլիկտ է տեղի ունեցել ուղևորների միջև։

Պաշտոնական հաստատված տեղեկություններ միջադեպի վերաբերյալ դեռևս չկան։