Ավտովթար Արարատի մարզում․ բախվել են BMW-ն ու Ford Transit-ը, կա վիրավոր

Սեպտեմբերի 29-ին ավտովթար է տեղի ունեցել Արարատի մարզի Նոր Ուղի բնակավայրում։ Ժամը 14:00-ի սահմաններում բախվել են 31-ամյա Մանե Մ.-ի վարած «BMW» և 74-ամյա Ալեխան Հ.-ի վարած «Ford Transit» մակնիշի ավտոմեքենաները։

Ինչպես հայտնում է ֆոտոլրագրող Գագիկ Շամշյանը, վթարի հետևանքով «BMW»-ի վարորդը տեղափոխվել է «Վեդի» բժշկական կենտրոն։

Դեպքի վայր են ժամանել ՀՀ ՆԳՆ ոստիկանության պարեկային ծառայության Արարատի մարզի գումարտակի ծառայողները։ Տարածքը սահմանազատվել է, իսկ դեպքի մասին տեղեկությունը փոխանցվել է Քննչական կոմիտեի Արարատի մարզային քննչական վարչության Վեդիի քննչական բաժին։

Դեպքի առթիվ Վեդիի քննչական բաժնում նախաձեռնվել է քրեական վարույթ։