Ֆրանսիան և Իսպանիան կողջունեն Մեծ Բրիտանիայի վերադարձը ԵՄ
Աշխարհ
Իսպանիայի և Ֆրանսիայի առաջնորդները հայտարարել են, որ Եվրամիությունն ուրախությամբ կընդունի Մեծ Բրիտանիայի վերադարձը ԵՄ, եթե այն երբևէ որոշի վերադառնալ դաշինք։ Այս մասին հաղորդում է Bloomberg-ը:
Ֆրանսիայի նախագահ Էմանուել Մակրոնը և Իսպանիայի վարչապետ Պեդրո Սանչեսն այդ մասին խոսել են, երբ Մեծ Բրիտանիայի վարչապետ Էնդի Բըրնհեմը քննադատել է Brexit-ը։
«Բարի վերադարձ։ Կարծում եմ՝ սա շատ լավ լուր է և՛ իր երկրի, և՛ եվրոպացիների համար», - ասել է Մակրոնը։
Սանչեսը Brexit-ն անվանել է «հսկայական կորուստ» Մեծ Բրիտանիայի և Եվրոպայի ժողովուրդների համար, ու ընդգծել է, որ Իսպանիան «անշուշտ ուրախությամբ կընդունի» Լոնդոնի վերադարձը։
Ներկայումս շարունակվում են նոյեմբերին Բրյուսելում կայանալիք ԵՄ-Մեծ Բրիտանիա գագաթնաժողովի նախապատրաստական աշխատանքները:
Վարչապետ Էնդի Բըրնհեմը նախօրեին հայտարարել էր, որ այս տարի ավելի ուշ կներկայացնի Մեծ Բրիտանիայի և ԵՄ-ի միջև հարաբերությունների ամրապնդման տարբերակները: Բըրնհեմը նշել էր, որ Եվրամիություն վերադարձը «մեկ այլ ժամանակի հարց է», իր կառավարությունն այժմ պետք է կենտրոնանա դաշինքի հետ մերձեցման վրա։
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
