Մոդին հերոս է անվանել Flydubai-ի չվերթի ժամանակ վիրավորված հնդիկ օդաչուին
Աշխարհ
Հնդկաստանի վարչապետ Նարենդրա Մոդին Flydubai ավիաընկերության ինքնաթիռում վիրավորված հնդիկ օդաչու Սմիթ Մաչհարին հերոս է անվանել և ասել, որ իր երկիրը հպարտանում է նրանով։
«Կապիտան Սմիթ Մաչհարը հերոս է։ Ծայրահեղ վտանգի առջև և չնայած լուրջ վիրավորմանը, նա ցուցաբերեց անսահման քաջություն և անսասան վճռականություն՝ պաշտպանելու ուրիշների կյանքը։ Նրա քաջությունը օգնեց փրկել հարյուրավոր կյանքեր և կանխել խոշոր ողբերգությունը», - գրել է նա հայտարարության մեջ։ Մոդին ընդգծել է, որ «Հնդկաստանը հպարտանում է Մաչհարով» և մաղթել է նրան արագ ապաքինում։
Ավելի վաղ Հնդկաստանի դեսպանատունը Ռիադում հայտնել էր, որ Մաչհարի վիճակը կայուն է։ Նա այժմ գտնվում է Սաուդյան Արաբիայի հյուսիս-արևմուտքում գտնվող Տաբուկ քաղաքի հիվանդանոցում։
Մաչհարը Դուբայից Թել Ավիվ թռչող ինքնաթիռի կապիտանն էր, երբ առաջին սպան դանակահարել էր նրան, ինչը ստիպել էր արտակարգ վայրէջք կատարել Սաուդյան Արաբիայի օդանավակայանում։
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
