Շատ լարված իրավիճակ է, չգիտենք՝ ում հավատանք․ ի՞նչ են պատմում սիսիանցիներն աղմկահարույց դեպքի մասին
Հասարակություն
Հայտնել էինք, որ ԱԱԾ-ն ավելի վաղ հայտնել էր՝ սեպտեմբերի 29-ին Ադրբեջանի Պետական անվտանգության ծառայությունը Հայաստանի ԱԱԾ-ին տեղեկացրել էր, որ Ադրբեջանի զորամասերից մեկի զինծառայողը անհայտ հանգամանքներում լքել է ծառայության վայրը։ Չի բացառվել, որ նա կարող էր ապօրինի հատած լինել Հայաստանի Հանրապետության սահմանը։
Դրանից հետո Հայաստանի և Ադրբեջանի իրավասու մարմիններն իրականացրել են համապատասխան որոնողական աշխատանքներ։ Հոկտեմբերի 1-ին՝ ժամը 14։15-ին, ՀՀ ՆԳՆ 112 օպերատիվ կառավարման կենտրոն ահազանգ է ստացվել, որ Սյունիքի մարզի Շաքի բնակավայրում կրակել են ՀՀ քաղաքացու ոտքին։ Պարզվել է, որ հանցագործությունը կատարել է ադրբեջանցի զինծառայողը, որը ձերբակալվել է։
Euromedia 24-ի աղբյուրները դեպքի մասին մանրամասներ հայտնեցին, որ ադրբեջանցու՝ ՀՀ-ում հայտնվելու մասին տեղեկությունն արդեն 2 օր է, ինչ շրջանառվում է Սիսիանում, սակայն կրակելու դեպքի մասին այսօր են իմացել։
Ըստ գյուղի բնակիչների՝ գյուղ են ներթափանցել 3 հոգի, 2-ին բռնել են, իսկ մյուս ադրբեջանցին փախել է։
«Գյուղում հիմա շատ լարված իրավիճակ է տիրում։ Չգիտենք՝ ում հավատանք, ում խոսքին հետևենք։ Ամեն ինչ այնքան խառն է, որ կամա թե ակամա վախեցել ենք»,- մեզ հետ զրույցում ասացին սիսիանցիները։
Սիլվի Մուրադյան
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
