Ուկրաինան 2027 թվականից չի անդամակցի ԵՄ-ին, հայտարարել է եվրահանձնակատարը

Ուկրաինան չի կարողանա միանալ Եվրամիությանը 2027 թվականի հունվարի 1-ին. այս գործընթացում զեղչեր կամ արտոնություններ չկան, հայտարարել է ընդլայնման հարցերով եվրահանձնակատար Մարթա Կոսը։

«2027 թվականի հունվարի 1-ի ամսաթիվը սահմանել է նախագահ Վոլոդիմիր Զելենսկին։ Միանալը հիմնված է արժանիքի սկզբունքի վրա. պարզ է, որ այս ամսաթիվը անհնար է», - ասել է Կոսը Corriere della Sera թերթին տված հարցազրույցում։

Նրա խոսքով՝ Կիևը և մյուս երկրները Ուկրաինայի անդամակցությունը ԵՄ-ին դիտարկում են որպես անվտանգության երաշխիք։ Նա նշել է, որ Ուկրաինայում հակամարտությունը փոխել է Եվրոպայի աշխարհաքաղաքականությունը։

«Եվ հետևանքներից մեկն այն է, որ ընդլայնումը կրկին դարձել է առաջնահերթություն՝ ոչ միայն Ուկրաինայի, այլև այլ երկրների համար», - նշել է եվրահանձնակատարը։

Կոսը ընդգծել է, որ անդամակցության գործընթացում Ուկրաինայի համար որևէ արտոնություն կամ զեղչ չի լինի, սակայն հավելել է, որ ԵՄ-ն պետք է հաշվի առնի երկրի իրավիճակը։