Երևանում օդի աղտոտվածությունը գերազանցել է թույլատրելի սահմանը․ հայտնի են առավել աղտոտված օրերը

Հիդրոօդերևութաբանության և մոնիթորինգի կենտրոնը ներկայացրել է Երևանում մթնոլորտային օդի որակի վերաբերյալ տվյալները՝ սեպտեմբերի 23-29-ն ընկած ժամանակահատվածի համար։

Փոշու պարունակությունը սահմանային թույլատրելի կոնցենտրացիան գերազանցել է՝

Կենտրոն վարչական շրջանում՝ սեպտեմբերի 23-24-ը և 26-27-ը,

Արաբկիրում՝ սեպտեմբերի 24-26-ը,

Շենգավիթում՝ չի գերազանցել։

Ազոտի երկօքսիդի պարունակությունը թույլատրելի սահմանը գերազանցել է Կենտրոնում՝ սեպտեմբերի 25-27-ը։ Արաբկիրում և Շենգավիթում գերազանցում չի արձանագրվել։

Միաժամանակ, ծծմբի երկօքսիդի պարունակությունը նշված ժամանակահատվածում չի գերազանցել սահմանային թույլատրելի կոնցենտրացիան։