Ավտովթար Երևանում․ «Վերնիսաժ»-ի մոտ բախվել են «Kia Forte»-ն և «BMW X5»-ը

Հոկտեմբերի 2-ին՝ ժամը 23:00-ի սահմաններում, ավտովթար է տեղի ունեցել Երևանում։ Խանջյան փողոցում՝ «Վերնիսաժ» առևտրի կենտրոնի մոտ, բախվել են 33-ամյա Արթուր Բ.-ի վարած «Kia Forte» և 35-ամյա Արման Ն.-ի վարած «BMW X5» մակնիշի ավտոմեքենաները։

Ինչպես հայտնում է ֆոտոլրագրող Գագիկ Շամշյանը, նախնական տեղեկություններով՝ վթարի հետևանքով տուժածներ չկան։

Դեպքի վայր են ժամանել ՀՀ ՆԳՆ ոստիկանության պարեկային ծառայության Երևանի գնդի 4-րդ գումարտակի պարեկները։ Տարածքը սահմանազատվել է։

Վթարի փաստով ՊԾ Երևանի գնդի 4-րդ գումարտակում փաստաթղթեր են ձևակերպվում, հանգամանքները և ավտոմեքենաների սեփականատերերի ինքնությունը պարզվում են։