Եգիպտոսում «Մուսուլման եղբայրները» խոստանում են չպայքարել լողազգեստների դեմ

Եգիպտական նոր իշխանությունները չեն պատրաստվում արգելել զբոսաշրջիկներին լողազգեստներ կրել կամ որևէ կերպ սահմանափակել նրանց ազատությունը. հայտարարել է Եգիպտոսի զբոսաշրջության նախարար Հիշամ Զազուան. տեղեկացնում է BBC-ն:

BBC-ին տված հարցազրույցի ժամանակ Զազուան հայտարարել է, որ եգիպտական իշխանությունները երբևիցե չեն պատրաստվում սահմանափակել մարդկանց ազատությունը՝ հագնել այն, ինչ իրենք են ցանկանում:

Հիշեցնենք, որ Հոսնի Մուբարաքի ռեժիմի անկումից հետո Եգիպտոսում իշխանության են եկել իսլամիստական արմատական «Մուսուլման եղբայրներ» կուսակության ներկայացուցիչները: Եվ լրագրողի այն հարցին, թե «Մուսուլման եղբայրների»՝ իշխանության գալը կանդրադառնա արդյոք որևէ կերպ զբոսաշրջիկների նկատմամբ վերաբերմունքի վրա, նախարարը պատասխանել է՝ երբեք: