Մերցը և Զելենսկին հանդիպել են օդային տագնապի ազդանշանների ներքո
Աշխարհ
Կիև կատարած այցի ժամանակ՝ օդային տագնապի ազդանշանների ներքո, Գերմանիայի կանցլերը կոչ է արել Ռուսաստանի նախագահին դադարեցնել «այս անիմաստ պատերազմը»։
«Մենք պատրաստ ենք բանակցությունների, մենք պատրաստ ենք քննարկել այս պատերազմի դադարեցման հարցը։ Սակայն Ուկրաինայի քաղաքացիական բնակչության վրա այս բարբարոսական հարձակումները պետք է դադարեցվեն», - Reuters-ն է մեջբերել Ֆրիդրիխ Մերցի խոսքը։
Ուկրաինայի նախագահ Վլադիմիր Զելենսկին ասել է, որ Մերցը իր այցը սկսել է զոհված ուկրաինացի պաշտպաններին հարգանքի տուրք մատուցելով։
Նշվում է, որ Գերմանիայի կառավարությունը Ուկրաինային օգնության նոր փաթեթ կտրամադրի, որը ներառում է 1 միլիարդ եվրո՝ սպառազինության, և 350 միլիոն եվրո՝ էներգետիկ անվտանգության ապահովման համար։
Ըստ DW-ի, Գերմանիայի կառավարական շրջանակների աղբյուրներից, հերթական փաթեթը ներառելու է մեծ հեռահարության հարվածային միջոցներ, մարտական անօդաչու թռչող սարքեր և արբանյակային տեխնոլոգիաներ, որոնք Ուկրաինային թույլ կտան ավելի արդյունավետ ոչնչացնել ռուսական հրթիռային կայանները։
Այսպիսով, Գերմանիան աջակցում է Ուկրաինային՝ նրա հակաօդային պաշտպանության համակարգի այս պահին ամենալուրջ բացերից մեկը լրացնելու հարցում։ Բեռլինում ակնկալում են, որ դրա ազդեցությունը արագ և շոշափելի կլինի։
ՈՒՂԻՂ ԵԹԵՐ
Ամենադիտված 
Պաշտոնանկություն՝ Նիկոլ Փաշինյանի որոշմամբ
