Թուրքիայում գնաճը 2021 թվականից ի վեր նվազել է մինչև ամենացածր մակարդակը

Թուրքիայում սեպտեմբերին տարեկան գնաճը նվազել է մինչև 29,7 տոկոս՝ գրանցելով 2021 թվականի նոյեմբերից ի վեր ամենացածր ցուցանիշը։ Օգոստոսին գնաճը կազմել էր 31,5 տոկոս, իսկ վերլուծաբանները սպասում էին, որ այն կնվազի մինչև 30,3 տոկոս։

Սեպտեմբերին սպառողական գները ամսական կտրվածքով աճել են 1,84 տոկոսով՝ կանխատեսված 2,28 տոկոսի փոխարեն։ Միևնույն ժամանակ, արտադրողների գների ինդեքսը տարեկան կտրվածքով աճել է 27,4 տոկոսով, իսկ ամսական կտրվածքով՝ 2,1 տոկոսով։ Գնաճի սպասվածից ավելի արագ նվազումը կարող է մեծացնել հոկտեմբերին Թուրքիայի Կենտրոնական բանկի կողմից տոկոսադրույքի նվազեցման հավանականությունը։

Միևնույն ժամանակ, տնտեսագետները կարծում են, որ էներգակիրների բարձր գներն ու աշխարհաքաղաքական անորոշությունը կարող են ստիպել Կենտրոնական բանկին զգուշավոր լինել։ Սեպտեմբերին բանկը հիմնական տոկոսադրույքը պահպանել էր տարեկան 37 տոկոսի մակարդակում՝ նավթի գների աճի ֆոնին։