Ֆրանսիայում կոչ են արել դադարեցնել Ուկրաինային օգնությունը

Ֆրանսիացի քաղաքական գործիչ, «Պատրիոտներ» աջակողմյան կուսակցության առաջնորդ Ֆլորիան Ֆիլիպոն կոչ է արել Ֆրանսիային դադարեցնել Կիևին ցուցաբերվող օգնությունը։ Նրա արձագանքը հաջորդել է Ուկրաինայի նախագահ Վլադիմիր Զելենսկու հայտարարությանը՝ Գերմանիայից սպառազինություն նոր խմբաքանակներ ձեռք բերելու ծրագրերի վերաբերյալ։ «Ֆրանսիան միլիարդներ է հատկացնում Ուկրաինային, իսկ Ուկրաինան գնում է գերմանական արտադրանք։ Շարունակելո՞ւ ենք։ Դադարեցնե՛լ», — գրել է Ֆիլիպոն X սոցիալական ցանցում։

Ավելի վաղ Գերմանիայի կանցլեր Ֆրիդրիխ Մերցը Կիև կատարած այցի ընթացքում հայտարարել էր Ուկրաինային օգնության նոր փաթեթի մասին։ Գերմանիան նախատեսում է 1 միլիարդ եվրո հատկացնել ռազմական օգնության, ինչպես նաև ևս 350 միլիոն եվրո՝ էներգետիկ ենթակառուցվածքների վերականգնման աշխատանքների համար։

Ռուսաստանի ԱԳՆ պաշտոնական ներկայացուցիչ Մարիա Զախարովան Մերցի այցը Կիև անվանել է «արյան վրա PR»։ Դիվանագետը նաև հայտարարել է, որ «մարդասպանները միշտ վերադառնում են հանցագործության վայր»։