Հնդկաստանը հայտարարել է Սև ծովում նավագնացության վերաբերյալ Ռուսաստանի և Ուկրաինայի հետ բանակցություններ սկսելու մասին

Հնդկաստանը բանակցություններ է վարում Ռուսաստանի և Ուկրաինայի հետ՝ Սև ծովում հացահատիկ և վառելիք տեղափոխող նավերի անվտանգ անցումն ապահովելու համար։ Այս մասին հայտարարել է Հնդկաստանի արտաքին գործերի նախարար Սուբրամանյամ Ջայշանկարը՝ Հնդկաստանի մայրաքաղաքում կայացած համաժողովում։

Նա նշել է, որ Սև ծովում նավերի վրա հարձակումները անընդունելի են։ «Բանակցությունները Մոսկվայի և Կիևի հետ վերածվել են բեռների մատակարարումը չխոչընդոտելու քննարկման։ Մտահոգություններ են հայտնվել հացահատիկի արտահանման վերաբերյալ, որը մեծ մասամբ դադարեցվել է Սև ծովի տարածաշրջանում», - ասել է արտգործնախարարը։ Նա նաև նշել է, որ սա կապված է էներգամատակարարման հետ։

«Այսպիսով, բանակցությունները ընդլայնել են իրենց շրջանակը։ Դրանք ներկայումս շարունակվում են», - ասել է Ջայշանկարը։