Հնդկաստանի ԱԳՆ-ը վիրավորական է անվանել ԱՄՆ փոխնախագահի արտահայտությունները միգրանտ աշխատողների մասին

Հնդկաստանը ԱՄՆ փոխնախագահ Ջ.Դ. Վենսի մեկնաբանությունները միգրանտ աշխատողների մասին համարում է անհիմն և վիրավորական։ Հնդկաստանի արտաքին գործերի նախարարությունը հայտարարություն է տարածել Microsoft-ի և մի քանի այլ տեղեկատվական տեխնոլոգիաների ընկերությունների PERM վիզայի և կանաչ քարտի ծրագրից ժամանակավորապես կասեցնելու Վաշինգտոնի որոշումից հետո։

«Մենք կարդացել ենք ԱՄՆ փոխնախագահի որոշ մեկնաբանություններ այս հարցի վերաբերյալ։ Մենք կարծում ենք, որ նման բնութագրումները անհիմն են և անտեսում ենք այն փաստը, որ Միացյալ Նահանգներում հնդիկ մասնագետները բարձր կրթություն և հմտություններ ունեն, նշանակալի ներդրում ունենալով երկրի տնտեսության և նորարարական էկոհամակարգում։ Իրոք, Միացյալ Նահանգների պատմությունն ինքնին ձևավորվել է ներգաղթյալների սերունդների կողմից, որոնց աշխատանքը, ձեռներեցությունը և նորարարությունը խթանել են դրա աճը և բարգավաճումը։

Պատմական և գաղութային ժառանգության հետ ցավոտ ասոցիացիաներ ունեցող տերմինաբանության օգտագործումը խորապես վիրավորական է», - մեկնաբանել է Հնդկաստանի արտաքին գործերի նախարարությունը Վենսի մեկնաբանությունները, որոնք վիզային ծրագրերի (H-1B/PERM) շրջանակներում օտարերկրյա աշխատողներին օգտագործելու պրակտիկան բնութագրել են որպես «հարկադիր ծառաների» և «էժան աշխատուժի» ներմուծում։