Երևանում կայանման կանոնների խախտումները կարձանագրվեն տեսախցիկներով․ քաղաքապետարան

Նախատեսվում է «Փարքինգ Սիթի Սերվիս» ՓԲԸ-ի տեսահսկման համակարգի հնարավորությունները օգտագործել նաև ճանապարհային երթևեկության կանոնների խախտումների արձանագրման նպատակով, մասնավորապես՝ 2-րդ երթևեկելի գոտում, հետիոտնային անցումների վրա, կանգառներում կայանելը և բակային տարածքների մուտքերի մոտ կայանված տրանսպորտային միջոցների խախտումներ արձանագրելու համար։ 

Ոստիկանության տեսախցիկները հիմնականում տեղադրված են խաչմերուկներում, իսկ ճանապարհի մյուս հատվածներում դրանց միջոցով վերահսկողություն իրականացնել հնարավոր չէ. հայտնում է Երևանի քաղաքապետարանի աշխատակազմի տրանսպորտի վարչության պետի ԺՊ Գարեգին Գրիգորյանը։