COP17-ի շրջանակում հոկտեմբերի 15-ին և 16-ին Երևանում երթևեկության սահմանափակումներ կգործեն

ՄԱԿ-ի Կենսաբազմազանության մասին կոնվենցիայի կողմերի 17-րդ համաժողովի (COP17) շրջանակում միջազգային պատվիրակությունների և բարձրաստիճան հյուրերի այցերով պայմանավորված՝ հոկտեմբերի 15-ին և 16-ին Երևանի մի շարք փողոցներում ժամանակավորապես կսահմանափակվի տրանսպորտային միջոցների երթևեկությունը։

Հոկտեմբերի 15-ին՝ ժամը 06:00-ից մինչև 23:00-ն, իսկ հոկտեմբերի 16-ին՝ ժամը 06:00-ից մինչև 20:00-ն, երթևեկության սահմանափակումներ կգործեն մայրաքաղաքի կենտրոնական և այլ հատվածների մի շարք փողոցներում ու պողոտաներում։

Ոստիկանությունը հորդորում է քաղաքացիներին հնարավորության դեպքում խուսափել անձնական մեքենաներից, օգտվել հասարակական տրանսպորտից և նախապես պլանավորել երթուղիները՝ հնարավոր խցանումներից խուսափելու համար։