Սիլիկյան թաղամասում մազութի գործարանում հրդեհ է բռնկվել․ այրվել են սարքավորումներ և բիտում. հրդեհը մեկուսացվել է

Հոկտեմբերի 13-ին՝ ժամը 20։21-ին, ՆԳՆ 112 օպերատիվ կառավարման կենտրոն ահազանգ է ստացվել, որ Երևանի Սիլիկյան թաղամասում՝ մազութի գործարանում, բիտումային սարք է այրվում։

Դեպքի վայր են մեկնել ՆԳՆ Փրկարար ծառայության Երևանի փրկարարական վարչության երկու մարտական հաշվարկ և հրդեհաշիջման ու փրկարարական աշխատանքների կազմակերպման բաժնի հերթապահ խումբը։

Հրդեհը մեկուսացվել է ժամը 20։47-ին, մարվել՝ 21։04-ին։ Հաղթանակ թաղամասում՝ մազութի արտադրական հանգույցի բակում, այրվել են սարքավորումներ և բիտում։

Հրշեջ-փրկարարները կանխել են կրակի տարածումը դեպի մյուս սարքավորումներն ու արտադրական տարածք։