Փաշինյանն ու «Ռուսական երկաթուղիների» ղեկավարը հանդիպել են

Վարչապետ Նիկոլ Փաշինյանն ընդունել է «Ռուսական երկաթուղիներ» ընկերության գլխավոր տնօրեն, կառավարման խորհրդի նախագահ Օլեգ Բելոզյորովի գլխավորած պատվիրակությանը։

Հանդիպման ընթացքում քննարկվել են Հայաստանի երկաթուղիների մրցունակության բարձրացման, միջազգային տրանսպորտային ցանցերին ինտեգրման և տարածաշրջանային ենթակառուցվածքների ապաշրջափակման հնարավորությունները։

Անդրադարձ է կատարվել նաև Գյումրի-Ախուրիկ-Թուրքիայի սահման և Երասխ-Նախիջևան երկաթուղային հատվածների վերակառուցման նախագծերին։

Քննարկվել են նաև «Հարավկովկասյան երկաթուղիներ» ընկերության կոնցեսիոն կառավարման ընթացքում ենթակառուցվածքների զարգացման աշխատանքները, կառավարման արդյունավետությունն ու առկա խնդիրները։

Պայմանավորվածություն է ձեռք բերվել ստեղծել համատեղ աշխատանքային խումբ, որը սահմանված կարճ ժամկետում կքննարկի առկա խնդիրները, կմշակի հնարավոր լուծումներ և կհստակեցնի հետագա քայլերը։