«Kia EV3»-ը կարող է դառնալ ընկերության ամենավաճառվող էլեկտրամեքենան

Չնայած ԱՄՆ-ում մատչելի էլեկտրամոբիլների շուկայի դժվարություններին՝ Kia-ն մեծ ակնկալիքներ ունի իր EV3 մոդելից: Կանխատեսվում է, որ այն կդառնա ընկերության ամենավաճառվող էլեկտրամեքենան ամերիկյան շուկայում։ Kia-ի արտադրանքի պլանավորման ավագ մենեջեր Յանգ Քիմը հայտնել է, որ ընկերությունը EV3-ից մեծ պահանջարկ է ակնկալում։ Մոդելն արդեն հաջողություն է գրանցել Եվրոպայում․ 2026 թվականի առաջին կիսամյակում այն դարձել է «Hyundai Motor Group»-ի ամենավաճառվող էլեկտրամոբիլը տարածաշրջանում՝ շուրջ 27 հազար վաճառքով։

EV3-ի առավելություններից են մինչև 517 կմ ընթացքի պաշարը՝ ավելի մեծ մարտկոցով տարբերակի դեպքում, ինչպես նաև հարմարավետությունն ու դիզայնը։ Մոդելը մրցակցելու է այնպիսի մեքենաների հետ, ինչպիսիք են նորացված «Chevrolet Bolt»-ը և «Nissan Leaf»-ը, որոնց վաճառքն ԱՄՆ-ում սպասվածից քիչ է եղել։ Այնուամենայնիվ, էլեկտրամոբիլների շուկայի հետագա զարգացումը կախված կլինի գնորդների պահանջարկից, մեքենաների գներից և պետական աջակցության ծրագրերի փոփոխություններից։