Իսրայելը մտադիր չէ վերսկսել ռազմական հարվածներն Իրանին մինչև հոկտեմբերի 27-ի ընտրությունները
Աշխարհ
Իսրայելի ղեկավարությունը չի պլանավորում վերսկսել Իրանի դեմ ռազմական արշավը մինչև հոկտեմբերի 27-ին նախատեսված խորհրդարանական ընտրությունները, հայտարարել է վարչապետ Բենիամին Նեթանյահուն: Այս մասին գրում է The Times of Israel-ը։
«Իմ կարծիքով՝ մեզ դա հարմար չէ», - ասել է նա Keshet 12 հեռուստաալիքի տարածած տեղեկատվությունից հետո, թե Նեթանյահուն ԱՄՆ նախագահ Դոնալդ Թրամփին կոչ է արել վերսկսել Իրանի դեմ ռազմական գործողությունները նախքան Իսրայելի խորհրդարանական և ԱՄՆ Կոնգրեսի միջանկյալ ընտրությունները, որոնք պետք է տեղի ունենան նոյեմբերի 3-ին։
Ավելի վաղ Axios-ը, վկայակոչելով աղբյուրներ, հաղորդել է, որ Նեթանյահուն և Թրամփն անցյալ շաբաթ կայացած հեռախոսազրույցի ընթացքում քննարկել են Իսրայելում և ԱՄՆ-ում ընտրություններից առաջ Իրանի դեմ նոր լայնածավալ գործողություն սկսելու հնարավորությունը։ Axios-ը նշել է, որ Թրամփի հետ Նեթանյահուի զրույցը տեղի է ունեցել նախքան ԱՄՆ նախագահի հայտարարությունն այն մասին, որ Իրանին հարվածներ հասցնելու պլաններ չկան մինչև Կոնգրեսի՝ նոյեմբերին կայանալիք ընտրությունները:
ՈՒՂԻՂ ԵԹԵՐ
Ամենադիտված 
Հարսը թունավորել է ամուսնուն և նրա ծնողներին հարսանիքից երկու օր անց
