Կալասն ասել է, որ ԵՄ առաջնորդները չափազանց զբաղված են Վրաստանի վերաբերյալ քննարկումներ անցկացնելու համար

ԵՄ արտաքին գործերի նախարար Կայա Կալասը հայտարարել է, որ գագաթնաժողովի խիտ օրակարգի պատճառով ԵՄ-ն չի սպասում Վրաստանում ստեղծված իրավիճակի մանրամասն քննարկում, չնայած ԵՄ ընդլայնման վերաբերյալ նախատեսված քննարկմանը։

«Մենք օրակարգում շատ թեմաներ ունենք, առաջին հերթին՝ մրցունակությունը, էներգետիկան և մնացած բոլոր հարցերը: Հետևաբար, չեմ կարծում, որ մենք մանրամասն քննարկումներ կունենանք Վրաստանի վերաբերյալ», - գագաթնաժողովից առաջ լրագրողներին ասել է Կալասը։

Ավելի վաղ Եվրախորհրդարանի նախագահ Ռոբերտա Մեցոլան, պատասխանելով լրագրողների հարցերին ԵՄ առաջնորդների հանդիպումից առաջ, նույնպես խորհուրդ տվեց Վրաստանում եվրաինտեգրման կողմնակիցներին, ովքեր հարցրել էին նրան ձեռնարկելիք քայլերի մասին, «չհանձնվել»։

«Մի՛ հանձնվեք։ Եվրոպական միությունը միշտ բաց կլինի այն մարդկանց համար, ովքեր ցանկանում են միանալ դրան։ Սա է այն, ինչ մենք ասում ենք բոլոր երկրներին», - ասել է Մեցոլան։

Վրաստանը ԵՄ անդամակցության թեկնածուի կարգավիճակ ստացավ 2023 թվականի դեկտեմբերին, սակայն 2024 թվականին Բրյուսելը հայտարարեց անդամակցության գործընթացի փաստացի դադարեցման մասին՝ հղում անելով վրացական իշխանությունների ենթադրյալ քաղաքականությանը։