Բելգիան մտադիր է մինչև տարեվերջ Ուկրաինային մատակարարել 10 F-16 կործանիչ

Բելգիան մտադիր է մինչև 2026 թվականի վերջը Ուկրաինային մատակարարել 10 F-16 կործանիչ։ Այս մասին հայտարարել է Բելգիայի վարչապետ Բարտ դե Վևերը՝ Բրյուսելում ԵՄ գագաթնաժողովի շրջանակներում Վլադիմիր Զելենսկիի հետ հանդիպումից հետո։

«Ուկրաինային անհրաժեշտ են մարտունակ կործանիչներ, և մենք կարող ենք ներդրում ունենալ։ Այս տարի մենք կմատակարարենք 10 ինքնաթիռ», - Դե Վևերի խոսքերն է մեջբերում Belga լրատվական գործակալությունը։

Բելգիայի վարչապետը նշել է, որ ռազմական տեխնիկայի փոխանցման ժամանակացույցը հետաձգվել է Բելգիային ամերիկյան F-35-ների մատակարարման ուշացումների պատճառով, որոնք նախատեսված են երկրի բանակում ներկայումս սպառազինության մեջ գտնվող F-16-ները փոխարինելու համար։

Բելգիան խոստացել է իր առաջին երկու F-16-ները Ուկրաինային մատակարարել 2024 թվականին, որին կհաջորդի մնացած գործող ինքնաթիռների փուլային փոխանցումը։ 2026 թվականի հունիսին Բելգիայի պաշտպանության նախարար Թեո Ֆրանկենը հայտարարեց մինչև 2026 թվականի վերջը յոթ F-16 կործանիչ մատակարարելու ծրագրերի մասին: Մատակարարումները դեռևս չեն սկսվել F-35-ների ստացման ուշացումների պատճառով: