Իրանի նախագահը մեղադրել է ԱՄՆ-ին պատերազմների ժամանակ շրջակա միջավայրին հասցված վնասի համար
Աշխարհ
ԱՄՆ ռազմական գործողությունները Մերձավոր Արևելքում հանգեցրել են շրջակա միջավայրի խիստ աղտոտման և բնական պաշարների ոչնչացման, հայտարարել է Իրանի նախագահ Մասուդ Փեզեշքիանը։
«Մեր տարածաշրջանում Միացյալ Նահանգների կողմից սանձազերծված ագրեսիվ պատերազմները ոչնչացրել են արդյունաբերական և էներգետիկ օբյեկտներ, ինչը հանգեցնում է հողի և ջրի աղտոտման։ Սա վնասում է էկոհամակարգերին և խաթարում կենսաբազմազանության պաշտպանության մեր ջանքերը», - ասել է նա Կենսաբանական բազմազանության 17-րդ համաժողովի (COP-17) առաջնորդների գագաթնաժողովում։
Գագաթնաժողովը տեղի է ունենում Երևանում հոկտեմբերի 15-16-ը՝ «Առաջնորդներ բնության համար» կարգախոսով։ Այնտեղ մասնակցում են ՄԱԿ-ի գլխավոր քարտուղար Անտոնիո Գուտերեշը, Իրանի նախագահ Մասուդ Փեզեշքիանը, Ղազախստանի նախագահ Կասիմ-Ժոմարտ Տոկաևը, Տաջիկստանի նախագահ Էմոմալի Ռահմոնը, Ղրղզստանի նախագահ Սադիր Ջապարովը, Թուրքմենստանի նախագահ Սերդար Բերդիմուհամեդովը, Վրաստանի վարչապետ Իրակլի Կոբախիձեն և այլ պետությունների և միջազգային կազմակերպությունների ղեկավարներ։ Ռուսաստանը ներկայացնում է Ռուսաստանի նախագահի կլիմայի փոփոխության հարցերով հատուկ ներկայացուցիչ Ռուսլան Էդելգերիևը։
ՈՒՂԻՂ ԵԹԵՐ
Ամենադիտված 
Հայաստանը և Ադրբեջանը տարածքների փոխանակում պետք է իրականացնեն. Փաշինյան
