Հոկտեմբերի 17-ից Երևանի թիվ 1 և 3 երթուղիները կսպասարկվեն «Ժոնգ Թոնգ» ավտոբուսներով

Հոկտեմբերի 17-ից Երևանի թիվ 1 և թիվ 3 ավտոբուսային երթուղիները մասամբ կսպասարկվեն «Ժոնգ Թոնգ» մակնիշի ավտոբուսներով, իսկ հոկտեմբերի 19-30-ը՝ ամբողջությամբ։ Այս մասին հայտնում է «Երևանի ավտոբուս» ՓԲԸ-ն։

Փոփոխությունը պայմանավորված է Երևանում անցկացվող՝ Կենսաբազմազանության մասին կոնվենցիայի կողմերի 17-րդ համաժողովի (COP17) շրջանակում ընկերության տրանսպորտային միջոցների ներգրավմամբ։

Նշված ժամանակահատվածում թիվ 1 և թիվ 3 երթուղիներում «ՄԱՆ» մակնիշի ավտոբուսները կփոխարինվեն «Ժոնգ Թոնգ» մակնիշի ավտոբուսներով։