Բըրնհեմն ասել է, որ չի ցանկանում պատմության մեջ մտնել որպես Մեծ Բրիտանիայի վերջին վարչապետ

Մեծ Բրիտանիայի վարչապետ Էնդի Բըրնհեմը հայտարարել է, որ չի ցանկանում, որ իրեն հիշեն որպես այն անձի, որի կառավարման ներքո Միացյալ Թագավորությունը դադարում է գոյություն ունենալ Շոտլանդիայի անջատման պատճառով։

«Ակնհայտ է, որ ես չեմ ուզում լինել այդ անձը», - ասել է վարչապետը մամուլի ասուլիսում։ Բըրնհեմը պատասխանել է այն հարցին, թե արդյոք տարածաշրջանային իշխանություններին ավելի մեծ լիազորություններ տրամադրելու իր ծրագրերը մեծացնում են այն հավանականությունը, որ նա կդառնա Միացյալ Թագավորության վերջին վարչապետը։

Հոկտեմբերի 16-ին Բըրնհեմը ելույթ է ունեցել Շոտլանդիայի Հյուսիսային Լանարկշիրի քոլեջում՝ կառավարության կողմից տեղական իշխանություններին ավելի մեծ լիազորություններ տրամադրելու ծրագրի մասին՝ տնտեսական մարտահրավերներն ավելի արդյունավետ լուծելու համար։ Նրա ելույթը և հետագա մամուլի ասուլիսը հեռարձակվել են Sky News-ով։