HAYRIK HARVEST․ նոր միջազգային գաստրոնոմիական նախագիծ, որը միավորում է տարբեր խոհարարական մշակույթներ Երևանում

2026 թվականի նոյեմբերի 21-ին Seven Visions Resort & Places, The Dvin համալիրում գտնվող Hayrik ռեստորանը կհյուրընկալի HAYRIK HARVEST նախագծի առաջին ընթրիքը։ Սա միջազգային գաստրոնոմիական նախաձեռնություն է, որի նպատակն է միավորել Հայաստանի խոհարարական ժառանգությունն ու ժամանակակից համաշխարհային գաստրոնոմիան։ Առաջին միջոցառման համար Երևան է հրավիրվել իտալացի շեֆ-խոհարար Ռիկարդո Կանելլան, որը Hayrik ռեստորանի թիմի հետ համատեղ կստեղծի յուրահատուկ գաստրոնոմիական փորձառություն։

Նախագիծը նախատեսվում է իրականացնել շարունակական ձևաչափով՝ ամեն ամիս հյուրընկալելով տարբեր երկրների հրավիրյալ շեֆ-խոհարարների։ HAYRIK HARVEST-ի հիմքում յոթօրյա խոհարարական ռեզիդենտության ծրագիրն է, որի ընթացքում յուրաքանչյուր հրավիրյալ շեֆ-խոհարար Hayrik-ի թիմի հետ  բացահայտում է Հայաստանի գաստրոնոմիական աշխարհը։ Ծրագիրը ներառում է այցելություններ տեղական ֆերմաներ և արհեստանոցներ, հանդիպումներ արտադրողների ու արհեստավորների հետ, ինչպես նաև տարբեր տարածաշրջանների առանձնահատկություններն արտացոլող սեզոնային մթերքների բացահայտում։ Յուրաքանչյուր ռեզիդենտության եզրափակիչ փուլում անցկացվում է հատուկ ընթրիք, որի ճաշացանկը համատեղ մշակում են հրավիրյալ շեֆ-խոհարարը և Hayrik-ի թիմը։

Այն ոգեշնչվում է ռեզիդենտության ընթացքում բացահայտված մթերքներով, այցելած վայրերով և հանդիպած մարդկանց պատմություններով՝ վերածվելով մշակութային փոխանակման ու համատեղ ստեղծագործական աշխատանքի արտահայտության։

HAYRIK HARVEST-ի առաջին ընթրիքը

HAYRIK HARVEST-ի առաջին ընթրիքը Riccardo Canella × Hayrik, տեղի կունենա 2026 թվականի նոյեմբերի 21-ին՝ Seven Visions Resort & Places, The Dvin համալիրի Hayrik ռեստորանում։

Նախագծի յուրաքանչյուր թողարկում կունենա իր առանձնահատուկ բնույթը՝ համադրելով հրավիրյալ շեֆ-խոհարարի անհատական մոտեցումն ու միջազգային փորձը Հայաստանի խոհարարական ավանդույթների և տեղական մթերքների հետ։ Արդյունքում ձևավորվում է խոհարարական երկխոսություն, որը միավորում է տարբեր հայացքներ՝ միաժամանակ պահպանելով տեղական ինքնության հիմքը։ Riccardo Canella × Hayrik․ HAYRIK HARVEST-ի առաջին ընթրիքը HAYRIK HARVEST-ի առաջին ընթրիքը տեղի կունենա 2026 թվականի նոյեմբերի 21-ին:

Ռիկարդո Կանելլայի և Hayrik-ի թիմի համագործակցությամբ կայանալիք անդրանիկ միջոցառումը կներկայացնի նախագծի առանցքային գաղափարը՝ բացառիկ գաստրոնոմիական փորձառությունը սկսվում է շատ ավելի վաղ, քան ուտեստը կհայտնվի սեղանին։ Գիտելիքի փոխանակման, տեղական մթերքների բացահայտման և խոհարարական տարբեր մոտեցումների հանդիպման միջոցով այս ընթրիքը կդառնա գաստրոնոմիայի շուրջ իմաստալից կապեր ստեղծելուն նվիրված նախագծի մեկնարկը։

Շարունակական միջազգային երկխոսություն

HAYRIK HARVEST-ը մշակվել է որպես երկարաժամկետ նախաձեռնություն։ Նախատեսվում է ամեն ամիս կազմակերպել ընթրիքներ՝ Հայաստան հրավիրելով տարբեր երկրների շեֆ-խոհարարների։ Յուրաքանչյուր հանդիպում նոր հնարավորություններ կստեղծի համագործակցության, մշակութային փոխանակման և հայկական խոհարարական ժառանգության տեսանկյունից ժամանակակից գաստրոնոմիան բացահայտելու համար։

Միջազգային խոհարարական տաղանդը կապելով տեղական արտադրողների, ավանդույթների և մթերքների հետ՝ նախագիծը նպատակ ունի նպաստելու Հայաստանի ներկայության ամրապնդմանը միջազգային գաստրոնոմիական հարթակում՝ միաժամանակ արժևորելով այն մարդկանց և վայրերը, որոնք ձևավորում են մեր սննդի մշակույթը։ 

Ճաշացանկի, տոմսերի արժեքի և ամրագրումների վերաբերյալ տեղեկությունների համար կարող եք զանգահարել՝ +374 33 00 77 07։