Քայլի Ջենները առաջին անգամ մասնակցել է «Victoria’s Secret»-ի ցուցադրությանը

Քայլի Ջենները զարմացրել է երկրպագուներին՝ հոկտեմբերի 18-ին առաջին անգամ մասնակցելով «Victoria’s Secret»-ի նորաձևության ցուցադրությանը։ Նա ցուցադրության ժամանակ ներկայացել է 50 միլիոն դոլար արժողությամբ «Երազանքի կրծկալով» (Fantasy Bra)։

«Kylie Cosmetics»-ի հիմնադիրը բեմ է դուրս եկել սպիտակ հրեշտակային թևերով և ադամանդներով զարդարված կրծկալով։ Դրա կենտրոնում եղել է 75,54 կարատանոց ադամանդ՝ 22 միլիոն դոլար արժեքով։ Կերպարն ամբողջացրել են փայլուն ներքնազգեստն ու թափանցիկ կիսաշրջազգեստը։ 29-ամյա Ջեններին հանդիսատեսի շարքերում աջակցել են նրա ընկերոջը՝ Թիմոթի Շալամեին, և մայրը՝ Քրիս Ջենները, որն այնտեղ էր իր ընկերոջ՝ Քորի Գեմբլի հետ։

Զարդը պատրաստել է Jacob & Co. Jewelry ընկերությունը։ Այն բաղկացած է 3218 առանձին մշակված դետալից, իսկ պատրաստման համար պահանջվել է ավելի քան 1000 ժամ, 15 վարպետի աշխատանք և 4410 բնական ադամանդ։ Այս ցուցադրությամբ Քայլի Ջենները դարձել է առաջին մարդը, որը «Victoria’s Secret»-ի մոդել չլինելով՝ կրել է «Fantasy Bra»-ն։