Axios-ը հաղորդել է Ուիթկոֆի՝ Զելենսկու հետ հանդիպումից հետո ՌԴ այցելելու ծրագրի մասին

ԱՄՆ նախագահի դեսպան Սթիվ Ուիթկոֆը հույս ունի այցելել Ռուսաստան և հանդիպել Ռուսաստանի նախագահ Վլադիմիր Պուտինի հետ՝ Վլադիմիր Զելենսկու հետ Օսլոյում խորհրդակցություններից հետո։ Այս մասին X-ում հայտնել են Axios-ը և Իսրայելի 12-րդ հեռուստաալիքի թղթակից Բարաք Ռավիդը՝ հղում անելով աղբյուրներին։

Ըստ իրենց աղբյուրների՝ Ուիթկոֆն այժմ թռչում է Օսլո՝ Զելենսկու հետ հանդիպման, որը տեղի կունենա հոկտեմբերի 20-ին։ Խորհրդակցություններին կմասնակցեն Մեծ Բրիտանիայի, Գերմանիայի, Իտալիայի, Ֆրանսիայի, ինչպես նաև ԵՄ-ի և ՆԱՏՕ-ի ղեկավարության ներկայացուցիչները, Նորվեգիայի վարչապետ Յոնաս Գահր Ստյորեն։

«Հանդիպման նպատակն է շարունակել համակարգել համապարփակ առաջարկը, որը կարող է հիմք հանդիսանալ Ռուսաստանի հետ բանակցությունների վերսկսման համար», – հավելել է Ռավիդը։

Ըստ իր աղբյուրի՝ Օսլոյից հետո Ուիթկոֆը նախատեսում է այցելել Ռուսաստան, որտեղ նա հույս ունի Պուտինի հետ քննարկել Ուկրաինայի և եվրոպացի գործընկերների հետ մշակված առաջարկները։ Անցյալ շաբաթ ԱՄՆ-ի, Ուկրաինայի և Եվրոպայի ներկայացուցիչները տեխնիկական մակարդակով աշխատել են այդ հայեցակարգերը մշակելու ուղղությամբ։