Իրանը Հորմուզում նավագնացության վրա ազդելու իր կարողությունը որակել է որպես աննախադեպ
Աշխարհ
Իրանը միշտ կվերահսկի Հորմուզի նեղուցը, բայց պատրաստ է պատասխանատու կերպով ապահովել այս կենսական ծովային զարկերակով նավագնացության անվտանգությունը: Այս մասին գրել է Իրանի արտաքին գործերի նախարար Աբբաս Արաղչին Financial Times-ի համար գրված սյունակում։
«Իրականությունն այն է, որ Իրանը, միայն իր աշխարհագրական դիրքի շնորհիվ, միշտ աննախադեպ ազդեցություն կունենա Հորմուզի նեղուցով անցնող ծովային երթևեկության վրա: Ավելի կարևոր է, որ այլընտրանքային ուղիների շուրջ աղմուկին հակառակ, այս ջրային ուղին անփոխարինելի է ինչպես տարածաշրջանի, այնպես էլ համաշխարհային տնտեսության համար», - նշել է Իրանի արտաքին գործերի նախարարը:
«Լավ լուրն այն է, որ Իրանը մտադիր է հավատարմորեն կատարել իր պատմական դերը՝ որպես Հորմուզի նեղուցի և այն օրինականորեն անցկացնողների պահապան», - վստահեցրել է նա։
Արաղչին ասել է, որ ստեղծված իրավիճակի լուծումը Միացյալ Նահանգների կողմից «հակամարտությունը լուծելու ռազմական տարբերակների» բացակայության ճանաչումն է: «Սա պետք է ակնհայտ դառնար գրեթե ութ ամիս տևած պատերազմից հետո, որի ընթացքում ԱՄՆ-ն սկսեց հարվածել Իրանին, հրապարակայնորեն հայտարարված նպատակներից ոչ մեկը չի իրականացվել», - գրել է նախարարը:
ՈՒՂԻՂ ԵԹԵՐ
Ամենադիտված 
Էդուարդ Շարմազանովի քավորությամբ տեղի է ունեցել Գագիկ Մելիքյանի որդու հարսանիքը
