Եվրոպայի հետ Հայաստանի առևտրի աճի մասին կանխատեսումները սպեկուլյատիվ են․ հետազոտություն

Եվրասիական վարկանիշային գործակալության հետազոտության համաձայն՝ Եվրամիության հետ Հայաստանի առևտրի աճի վերաբերյալ կանխատեսումները սպեկուլյատիվ բնույթ են կրում, քանի որ վերջին երկու տարիների ընթացքում առևտրի ծավալների նվազում է արձանագրվել։ Այս մասին հայտնում է ՏԱՍՍ-ը։

Հետազոտության համաձայն՝ Ռուսաստանի ուղղությամբ Հայաստանի արտահանման կրճատմանը զուգահեռ աճել են Բելառուս մատակարարումների ծավալները։ Սա, ըստ գործակալության, թույլ է տալիս ենթադրել, որ հայ արտադրողների մի մասը կարող էր Բելառուսն օգտագործել որպես միջանկյալ առևտրային գործընկեր։

Ավելի վաղ ՀՀ էկոնոմիկայի նախարար Գևորգ Պապոյանը կրկին հայտարարել էր դեպի Եվրամիություն Հայաստանի արտահանման աճի մասին՝ չնշելով, թե կոնկրետ ինչ ապրանքների արտահանման մասին է խոսքը։