Ուրվականներով լի առանձնատներ և այրված մեկուսարաններ․ Նյու Յորքի մռայլ գաղտնիքները

Նյու Յորքի Սթեյթեն Այլենդը համարվում է քաղաքի ամենաառեղծվածային վայրերից մեկը։ Այստեղ կան ուրվականներով հայտնի առանձնատներ, նախկին մեկուսարաններ և ռազմական տարածքներ, որոնց մասին բազմաթիվ խորհրդավոր պատմություններ են շրջանառվում։ «Boroughs of the Dead» միստիկ էքսկուրսիաների կազմակերպության հիմնադիր Անդրեա Ջեյնսը կղզին նկարագրել է այսպես․ «Այստեղ ուրվականներ են ամենուր»։ Կղզու մութ պատմությունը սկսվում է դեռևս 1799 թվականից, երբ այստեղ բացվեց վարակիչ հիվանդություններով մարդկանց մեկուսացման համար նախատեսված հիվանդանոցը։

«Կարանտին» անունով հայտնի համալիրը 1858 թվականին այրվեց տեղի բնակիչների բուռն հակազդեցության պայմաններում։ Կղզու ամենախորհրդավոր վայրերից է նաև Կրայշերի առանձնատունը, որտեղ, ըստ պատմությունների, պատուհաններին ուրվականներ են հայտնվում, իսկ կահույքն ինքնուրույն շարժվում է։ 2005 թվականին այստեղ սպանություն է տեղի ունեցել։ Ֆորտ Ուադսվորթի տարածքում, ըստ այցելուների պատմությունների, լսվում են քայլերի ձայներ, կրակոցներ և թնդանոթների դղրդյուն, իսկ որոշ մարդիկ պնդում են, որ տեսել են զինվորների ուրվականներ։