Քայլի Ջենների 50 միլիոն դոլարանոց կրծկալը վաճառքի է հանվել

Քայլի Ջենների 50 միլիոն դոլար արժողությամբ ադամանդե Fantasy Bra-ն հասանելի կլինի մասնավոր գնման համար։  Ջենները բացառիկ ներքնազգեստը կրել է հոկտեմբերի 18-ին կայացած Victoria’s Secret-ի նորաձևության ցուցադրության ժամանակ։ Այն կշռում է շուրջ 1,8 կգ և զարդարված է 4410 բնական ադամանդով ու 75,54 կարատանոց վառ դեղին ադամանդով։

50 միլիոն դոլար գնահատված արժեքով այն դարձել է մինչ օրս ստեղծված ամենաթանկ Fantasy Bra-ն՝ գերազանցելով Ժիզել Բունդխենի՝ 2000թ․ կրած 15 միլիոն դոլար արժողությամբ նմուշին։ Սակայն դեռևս հայտնի չէ, թե ինչ գնով այն կառաջարկվի գնորդներին։ Victoria’s Secret-ի գեղարվեստական ղեկավար Ադամ Սելմանի խոսքով՝ 29-ամյա Ջեններն ընտրվել է իր մշակութային ազդեցության և նորաձևության սահմաններից դուրս ճանաչված լինելու համար։ Fantasy Bra-ն ցուցադրություն է վերադարձել երկար ընդմիջումից հետո․ վերջին անգամ այն ներկայացվել էր 2018 թվականին՝ մոդել Էլզա Հոսքի մասնակցությամբ։ 

Նշենք, որ ըստ շրջանառվող տեղեկության թուրք գործարարը կնոջ համար նվեր է գնել Քայլի Ջենների՝ 50 միլիոն դոլար արժողությամբ կրծկալը։