Թրամփը չի կարողացել համոզել Google-ին վերանվանել Ատլանտյան օվկիանոսը

Google-ի գործադիր տնօրեն Սունդար Պիչային մերժել է ԱՄՆ նախագահ Դոնալդ Թրամփի՝ Ատլանտյան օվկիանոսը վերանվանելու խնդրանքը, հաղորդում է The Washington Post-ը։

Սպիտակ տան ղեկավարի խոսքով՝ նա զանգահարել է բարձրաստիճան պաշտոնյայի՝ Ատլանտյան օվկիանոսը Ամերիկյան օվկիանոս վերանվանելու առաջարկով։ Ի պատասխան՝ Պիչային կոչ է արել նախագահին չխնդրել Google-ին դա անել։

«Ես այս անգամ դա չեմ անի։ Օվկիանոսները տարբեր են, պարոն», - ասել է գործադիր տնօրենը։

Նա ընդգծել է, որ մեծ թվով երկրներ սահմանակից են օվկիանոսներին։

Այս ֆոնին Թրամփը հայտարարել է, որ «ամենայն հավանականությամբ» կհրաժարվի Ատլանտյան օվկիանոսի անվանումը փոխելու փորձերից։ Այնուամենայնիվ, հոդվածում ընդգծվում է, որ նա շարունակում է դիտարկել Խաղաղ օվկիանոսը վերանվանելու հնարավորությունը։