Փարիզում զանգվածային ցույցի սպասումով զրահամեքենաներ են տեղակայվել

Այսօր Փարիզում սպասվում է զանգվածային ցույց՝ արհմիութենական և ուսանողական շարժումների մասնակցությամբ։ Ակցիայի կապակցությամբ փողոցներ են դուրս բերվել ժանդարմերիայի զրահամեքենաներ։

Մի քանի զրահամեքենա հերթապահություն է իրականացնում Ելիսեյան պալատի մոտ, որի շուրջ անվտանգության գոտին ընդլայնվել է սովորական օրերի համեմատ։ Ֆրանսիայի նախագահի նստավայրին հարող փողոցների մուտքերը փակվել են միկրոավտոբուսներով և երկաթյա արգելապատնեշներով։