Նորայր Հախոյանը 1-2 հաշվով պարտվեց աշխարհի գործող չեմպիոնին

Հունահռոմեական ոճի ըմբշամարտի աշխարհի առաջնության 55 կգ քաշային կարգում Հայաստանի ներկայացուցիչ Նորայր Հախոյանը 1/8 եզրափակչում լարված պայքարում 1-2 հաշվով պարտվեց աշխարհի գործող չեմպիոն, վրացի Վախթանգ Լոլուային։

Այս արդյունքով Վախթանգ Լոլուան դուրս է եկել քառորդ եզրափակիչ։ Եթե վրացի ըմբիշը հասնի եզրափակիչ, Նորայր Հախոյանը սփոփիչ գոտեմարտերի միջոցով պայքարը շարունակելու և բրոնզե մեդալի համար պայքարելու հնարավորություն կստանա։