ՏԻՄ ընտրություններին կհետևի 437 դիտորդ․ ԿԸՀ-ն հավատարմագրել է նաև 222 լրագրողի

Հոկտեմբերի 25-ին կայանալիք տեղական ինքնակառավարման մարմինների ընտրություններին դիտորդական առաքելություն կիրականացնեն 6 կազմակերպություններ՝ ընդհանուր 437 դիտորդով։

Կենտրոնական ընտրական հանձնաժողովը հավատարմագրել է հետևյալ դիտորդական առաքելությունները՝

• «Քաղաքացիական երիտասարդական կենտրոն» համայնքային զարգացման ՀԿ,
• «Բնակավայրերի համաչափ զարգացում» ՀԿ,
• «Հայ առաջադեմ երիտասարդություն» ՀԿ,
• «Ազատ քվե» դիտորդական առաքելություն,
• «Ականատես» դիտորդական առաքելություն,
• «Անկախ դիտորդ» հասարակական դաշինք։

Ընտրությունների քվեարկության օրը լուսաբանելու նպատակով ԿԸՀ-ն հավատարմագրել է նաև 28 զանգվածային լրատվության միջոցի՝ ընդհանուր առմամբ 222 ներկայացուցչի։

Բացի այդ, Հայաստանում հավատարմագրված դիվանագիտական ներկայացուցչությունների ներկայացուցիչները այցելուի կարգավիճակով կհետևեն ընտրական գործընթացին։