ԱԹՍ-ների զանգվածային հարվածներ Բելգորոդին․ զոհեր, վիրավորներ և լայնածավալ ավերածություններ

Հոկտեմբերի 25-ի գիշերը Բելգորոդի վրա անօդաչու թռչող սարքերի զանգվածային հարձակման հետևանքով տուժածների թիվը հասել է տասնչորսի, մեկ խաղաղ բնակիչ զոհվել է։ Այս մասին հայտնել է Բելգորոդի մարզի նահանգապետի պաշտոնակատար Ալեքսանդր Շուվաևը։

«Տուժել է նաև 14 մարդ։ Վիրավորներից 8-ը ստացիոնար բուժում են ստանում քաղաքի հիվանդանոցներում։ Բժիշկները նրանց ցուցաբերել են անհրաժեշտ ամբողջ բուժօգնությունը։ Անհրաժեշտության դեպքում տուժածների բուժումը կկազմակերպենք դաշնային կլինիկաներում։ 6 մարդ շարունակում է ամբուլատոր բուժումը», - գրել է նա իր տելեգրամյան ալիքում։

Ավելի վաղ Բելգորոդի մարզի օպերատիվ շտաբը հայտնել էր տասը տուժածի մասին, որոնց թվում էր նաև շտապօգնության աշխատակիցը։ Այդ ժամանակ վիրավորներից ութը գտնվում էին հիվանդանոցներում, իսկ ևս երկու կին բժշկական օգնություն ստանալուց հետո պետք է շարունակեին բուժումն ամբուլատոր պայմաններում։

Հարձակումից հետո 53 մարդ տեղավորվել է ժամանակավոր կացության կենտրոններում, հայտնել է Բելգորոդի քաղաքապետ Վալենտին Դեմիդովը։ Նրա խոսքով՝ կոմունալ ծառայությունները զբաղվել են շենքերի ջերմային կոնտուրի ժամանակավոր փակմամբ։ Նա հայտնել էր բնակելի ֆոնդի զգալի ավերածությունների, ինչպես նաև ավտոմեքենաների, սոցիալական և առևտրային նշանակության օբյեկտների վնասման մասին։