Մահացել է Ճապոնիայի նախկին վարչապետ Յասուո Ֆուկուդան

Ճապոնիայի նախկին վարչապետ Յասուո Ֆուկուդան մահացել է 90 տարեկան հասակում՝ սրտի անբավարարությունից, հաղորդում է «Նիկեյ» թերթը։

Ֆուկուդան վարչապետի պաշտոնը զբաղեցրել է 2007 թվականի սեպտեմբերից մինչև 2008 թվականի սեպտեմբերը։ Նա իր քաղաքական կարիերան սկսել է 1970-ականներին, երբ դարձել է իր հոր՝ Տակեո Ֆուկուդայի քարտուղարը, որը նույնպես վարչապետ է եղել։

Վարչապետ դառնալուց առաջ Յասուո Ֆուկուդան չորս տարի (2000-ից 2004 թվականներին) զբաղեցրել է գլխավոր կաբինետի քարտուղարի պաշտոնը՝ գործնականում լինելով կաբինետի երկրորդ մարդը՝ վարչապետներ Յոշիրո Մորիի և Ձունիչիրո Կոիզումիի օրոք։ Նրան այս պաշտոնում գերազանցել է միայն Յոշիհիդե Սուգան, որը Շինզո Աբեի օրոք ութ տարի զբաղեցրել է գլխավոր կաբինետի քարտուղարի պաշտոնը։

Արտաքին քաղաքականության մեջ Յասուո Ֆուկուդան համարվում էր «աղավնի» և պաշտպանում էր ասիական երկրների, հիմնականում՝ Չինաստանի հետ հարաբերությունների զարգացումը։