Հայրը իր 5-6 տարեկան երեխաների հետ նկարահանել է անպարկեշտ տեսանյութեր և վաճառել այն չաթերում՝ կրիպտոարժույթի դիմաց

Պակիստանցի տղամարդը մեղադրվում է սեփական երեխաների նկատմամբ բռնության մեջ՝ մանկապիղծներին ուղարկված բովանդակության միջոցով, հաղորդում է Daily Pakistan-ը։

Ոստիկանության տվյալներով՝ ձերբակալվածը նկարահանել է իր հինգ և վեց տարեկան երեխաների հետ անպարկեշտ տեսանյութեր։ Նա վաճառել է պատրաստի նյութը հաղորդագրությունների հավելվածում։ Բաժանորդները վճարել են նրան տեսանյութերի համար՝ գումարը փոխանցելով կրիպտոարժույթային դրամապանակին։

Հայրը նաև մաս է կազմել նման տեսանյութեր տարածող ցանցի։ Այս մարդիկ նաև պատրաստել են կենդանիների նկատմամբ դաժան վերաբերմունք պատկերող տեսանյութեր։

Ոստիկանության խոսնակի խոսքով՝ սա Պակիստանի պատմության մեջ առաջին դեպքն է, երբ հայրը նման հանցագործություններ է կատարել սեփական երեխաների նկատմամբ։

Ոստիկանությունն արդեն ձերբակալել է ցանցի կազմակերպչին։ Իրավապահ մարմինները նաև խուզարկություններ են անցկացնում երկրի տարբեր քաղաքներում, որոնք կօգնեն ձերբակալել ցանցի մյուս անդամներին։

Ոստիկանության խոսնակը շեշտել է, որ պատասխանատվության կենթարկվեն ոչ միայն բովանդակության հեղինակները, այլև այն ծնողները, ովքեր տեղյակ են եղել բռնության մասին, բայց չեն հայտնել դրա մասին։