ԵՊՀ ամբիոնի վարիչը ձերբակալվել է կաշառք վերցնելու կասկածանքով

Երևանի պետական համալսարանից ձերբակալվել է Սահմանադրական իրավունքի ամբիոնի վարիչ Վարդան Այվազյանը։ Այս մասին հայտնում է «Հրապարակ»-ը՝ հղում անելով իր տեղեկություններին։

Ըստ նախնական տեղեկությունների՝ Այվազյանին մեղադրում են կաշառք վերցնելու մեջ։ Պարբերականի փոխանցմամբ՝ ձերբակալությունն իրականացվել է ուսանողների և դասախոսների աչքի առաջ։

«Հրապարակ»-ը նշում է, որ առաջիկայում կփորձի պաշտոնական մեկնաբանություն ստանալ և ներկայացնել լրացուցիչ մանրամասներ։